Ds Churer62erJohrgängertreff-Organisationskommitee, kurz OK, wo vor 10 Johr scho dia Party in dr alta Schoggifabrik organisiart hät, wetti au im 2012 öppis macha.
Schu bald gohts los!
Drmit miar au guat plana und organisiara könnd, sind miar wahnsinnig froh wenn du di so bald wia möglich amelda tuasch. Für üs wärs aifacher, wenn miar wüssend mit wiaviel Teilnehmer miar rechna dörfend.
Also, amelda, izahla und sich freua!
Wenn du di schu agmeldet und din Bitrag schu izahlt hesch, blibt diar nur no d’Vorfreud und d’Verpflichtig allna davo ds’verzella.
Das wird huara glatt!
Apropos glatt, hesch dini Saturday-Night-Fever Aleggata schu grüschtet? Isch im Fall nit zwingend!
"Saturday Night Fever" isch ds'Motto und miar sind sicher - das kund huara guat!
Samschtig, 16. Juni 2012
Das dörfsch diar aifach nit entgoh loh!
Teilneh am Fescht könnt alli
62er wo ds'Khur zur Schual ganga sind, und
62er wo ds'Khur gwohnt hend oder no wohnen, und
Nicht-62er wo mit üs 62er zemma ds'Khur in d'Schual ganga sind
Also eigentlich fascht alli!
Miar treffen üs am sexi (18:00 Uhr) im Garta vum Hotel Marsöl zum Apero und zum Istimma. Im Saal vum Marsöl essen miar den dr Z'nacht und fiiren zemma üs selber.
A passendi Bänd wird au dasmol dr richtig Swing in d'Hütta blosa.
Koschta tuat di dä Spass läppischi 72 Stutz (62.- + 10.-) pro Nasa
Amelda kasch di grad do (Ameldig usfülla, izahla und du bisch dabi!)
